Saturday, May 18, 2024
25.8 C
Port-Vila
Saturday, May 18, 2024
More

    Cash transfea trial-Lelepa

    Trial blong Cash transfea program long Lelepa i hapen long wik ia blong luk weta sistem i wok gud.

    Hemia blong help long plan blong Kavman blong rolem aot program ia long olgeta pipol we oli afek long disasta.

    Minista blong Finance mo Economic Management, John Salong hemi anaonsem tingting ia long manis March afta we tufala Saeklon i mekem bigfala damej

    “Oli ko blong testem system we bae yumi yusum blong transferem cash i ko long ol haos raon long Vanuatu. Ol transfer woking grup mo oli luk hao oli rijista ol household longwe. Mo Oli kat plante samting blong talem lomg mi long Friday,”Minista Saong i talemaot.

    Cash transfea program hemi wan program blong Non Government Organisation, Oxfam we hemi bin yusum blong kivim mani long ol pipol we oli lusum ol hom blong olgeta from Ambae volcano erapsen long 2018. Mo oli bin yusum long taem blong COVID  blong kivim sapot long ol vulnerable group olsem disabiliti. Mo tu ashfall long Tanna. Ova VT300 million vatu i bin ko insaet long ol komuniti ia, mo mani hemi bin kam long Australian mo New Zealand Kavman.

    Long taem naoia, Vanuatu kavman hemi luksave program ia, Minista Salong hemi talem se bae hemi katem daon kost blong logistics long taem blong disasta, we i luk se fulap long ol disasta fund i stap ko long hem. Semtaem bai hemi help stimuletem economi afta long wan disasta.

    Long plan we i stap oli stap lukluk blong yusum National ID blong rolem aot program. Minista Salong i talem se trial long Lelepa i soem sam jalenj.

    “I kat sam jalenj we oli faenem aot we hemi to do wetem telecommunication, netwok coverage mo tu ID kad mo evri haos i sud kat ID.

    Ol diteil blong rolem aot program ia bai kamaot afta long trial long Lelepa long wik ia.

     

     

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen