Dipatmen blong Kastoms mo Inlan Revenu hemi stap wok blong muvum bisnis hemi ko long wan nara level wetem niufala online mane regista sistem projek blong VT300 milien.
Online mane regista sistem ia bae hemi mekem semak wok blo rekodem daon evri sel long wan dei blong wan bisnis aos.
Direkta blong Kastoms, Harold Tarosa hemi talem se oli stap wok slo blong tekem ap niu rod blong usum ol online platfom.
“Wok ia bae yumi nid blong statem of wetem wan visibiliti stadi,” hemi talem.
“Advetismen bae hemi stat lo period blong 1 manis between next wik o following wik mo bae yumi endm lo 15 blong February.”
Hemi talem moa se masin blong online mane regista o point blong sel sistem ia bae hemi helpem olgeta blong finem aot ol stret amaon blong Value Added Tax (VAT) long ol bisnis aos.
Mr Tarosa hemi talem se VT300 milien ia hemi stap long bajet blong yia ia mo stap wet yet blong palemen i pasem blong oli save mekem ol nara proces blong projek ia.
Hemi talem tu se wetem bigfala jalens blong aksesem bisnis long kantri bae hemi mo gud blong kat koperesen blong ol bisnis komuniti.
“Yumi kam blong luk se hao nao sapos Vanuatu hemi implementem point blong sel bambae design blem o setup blem bae olsem wanem, stadi bae talem evri samting including kos.”
“Long pat ia nao mi wantem kol upon yumi long saed blong bisnis komuniti, bambae yumi nidim coperesen blong yumi bakeken blong this yia tugeta.”
Vice Presiden blong Jemba blong Komes, Christophe Crowby hemi kivim toktok blong hem olsem wan okanisasen we hemi lukoutem ol bisnis aos long kantri.
Hemi talem se bae oli wok wetem ol bisnis ona blong save acceptem ol changes we customs bae hemi mekem folem niufala point of sale system we oli stap wok long hem.
“Hemi rili soem wan efot we praevet sekta i mas pulum ap soks blem blong hemi wok closely wetem Kastoms depatmen.
“I kat ol nara bisnis we stap long aelan especially long Malekula, Tanna mo Luganville, hemia yumi tekem note lem blong taem we Kastoms depatmen hemi kam blong mekem consultation wetem Jemba blong Komes bae mek sua blong consult wetem evri bisnis sekta we stap long kategori blem.”
Mr Crowby hemi talem se long yia oli stap luk fowod blong wok wetem Kastoms mo ol nara Kavman sekta blong mek sua se wanem developmen oli mekem long bisnis indastri bae hemi stap long benefit long interes blong ol pipol long kantri.
