Monday, July 15, 2024
25.5 C
Port-Vila
Monday, July 15, 2024
More

    Australia i sapotem Vanuatu- Security

    Australia hemi wan securiti mo humanitarian patna blong Vanuatu.

    Frensip ia hemi kam mo klia wetem wan hae level delegesen we i mitim Praem Minista Ishmael Kalsakau long Tuesday wik ia.

    Wan long olgeta mein tingting blong gat wan bipartison visit ia hemi blong Foreign Minista Penny Wong hemi openem Wharve blong Maritime Police Base long Port Vila we kavman blong Australia hemi fandem.

    Tete hemi lukim VT200 million Mala base hemi hand-ova i kam long Vanuatu kavman.

    “Mifala i glad blong security fren wetem Vanuatu; Australia hemi glad mo hemi komit long patnasip ia blong muv fowod,”

    “Mifala i luk security olsem wan share risponsibiti. ”

    Prime Minista Ishmael Kalsakau i talem se Vanuatu hemi valuem help we Australia i ko hed blong givim blong meintenem securiti stabiliti blong Vanuatu.

    “Hemi paramont blong yumi ko hed long relationship ia; Pacific i sud tekem on bod security olsem wan global isu,” Prime Minista Kalsakau i talemaot.

    Long visit ia Wong hemi mekem i klia se hemi wantem lukim relationship blong tufala kaontri i strong long saed blong security.

    Hemi glad taem counterpart blong hem long Vanuatu, Honorable Jotham Napat i talem se partnership agrimen blong Vanuatu mo Australia long saed blong Securiti hemi onli one, mo Vanuatu hemi no gat plan blong mekem semak agrimen wetem China.

    “Mifala i no statem wan rilasip wetem China blong diskasem security,” Mr Napat i talemaot.

    China hemi stap olsem wan konsen long Australia from ol impoten presens blong hem long ol infrastructure projek long Vanuatu olsem Palemen Haos, Korman stadium mo bigfala wharve long Santo.

    Wetem visit ia, Australia hemi talemaot long ol kaontri long region se hemi wantem stap olsem wan impoten memba blong Pacific famili.

     

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen