Vanuatu i kat wan woman long 13 legislature ia.
Julia Gloria King hemi niu elek women afta long 10 yia we kaontri i nogat wan woman long Palemen.
Ofisal risal i soem konfidens blong ova 1,000 vota long lidaship blong hem.
Mrs King hemi talem se hemi kat bigfala hona blong pipol i save elektem hem.
“Hemi wan hona blong kam insaed long 13 legislature olsem wan woman ripresentativ insaed long Palemen,’ Mrs King i talemaot.
“Mbe moa impoten hemi blong askem yumi ol citizen blong ko hed mo pray from leadership blong nation ia. Yumi andastaenem se yumi stap long kavman formation wik. Hemi taem ol lida blong yumi i nidim moa pray blong yumi we yumi stap long haos, ol jej blong yumi mo ol komuniti blong yumi raon long Vanuatu.
“Vanuatu hemi nidim naoia gud mo strong leadership; Mo leadership we i founded long gud value mo biliv long God blong hemi save karem nation blong yumi i fowod.”
Seven woman i bin kontes long Snap eleksen ia.
“Thirteeen legislature ia mifala i wantem luk se i mas kat positiv jens from ol woman i mekem bigfala wok vinis blong sapotem Independens kam kasem tete we yumi stap long hem; Yumi luk capabiliti blong ol woman tru long education, health mo ol difren wok we oli holem,” Mrs Cullwick i talem.
“Long sports, mi glad tumas blong talem se tri manis trening blong ol woman long China oli ko kambak wetem gold. So hemi wan bigfala developmen vinis we woman i mekem.”
“Genesis chapter 1 verse 26-28; God i kriatem man mo woman long likenes blong Hem. Mo hemi komandem tufala blong lukaotem ol creation blong hem long solwota mo long graon.
Lokol, Apu Chris i talem se i mas kat gender long red roof.
Hemi talem se moa woman i sud kontest blong jensem fasin we i stap.
“Be from women Vanuatu oli no unite, hemia nao long pas taem oli kontes ol man i no votem olgeta be yumi wantem luk jens,” Apu Chris i talem.
National Council blong ol Woman i bon long May 15, 1980.
“Hemi bon blong sapotem ol papa blong talem se New Hebrides i mas kam wan independent nation. Mo yia ia mifala i selebretem 42 yia blong council,” Mrs Cullwick i talemaot.
Mrs King i stanap long Union blong Moderate Party long Efate Rural Constituency mo hemi blong Mele vilij, Efate.
