Kavman tru Ministri blong Climate Change mo host patna Global Green Growth Institute i lonjem Vihikol Emisen Standed projek blong Vanuatu long wik ia.
Stampa tingting behan long projek ia emi blong daonem air polusen mo grinaos gas emission tru long ol gudfala mo strong implementesen mo enfosmen blong vehicle emission mo fuel standards long kaontri.
Julia Hollnagel weh i lukaotem projek ia anda long Global Green Growth Institute i talem se projek ia i kam afta long fes projek weh emi Vehicle emission mo fuel standard polici blong 2022 tu 2023.
Vanuatu i nogat Vihikol Emisen Standed, mo onli requiremen blong vihikol i kam long kaontri emi Right Hand Traffic Vehicle.
Long wan polici brief consultesen weh i tekem ol tingting blong ol stake holda, privet sekta, kavman mo ol civil societi, oli akri blong ol vehicle weh i kam in long kaontri oli mas be anda 10 yia ol mo putem aot smol o les toti gas mo mitim wan patikula mita rating olsem weh i stap long vehicle emission mo fuel standard polici.
Minister blong Climate Change Hon. John Salong i talem se projek ia bai emi help bigwan blong doanem ol toti trak weh ol impota oli stap tekem in kam long kaontri.
Projek ia emi stap anda long seken fes blong Low Emission Climate Resilient Development prokram, weh New Zealand Ministry blong Foreign Affairs mo Ireland’s Department blong Foreign Affairs nao emi fundem.
