Wan man mo wan gel blong North Ambrym oli medivac i kam long Port Vila tete Satete long wan helicopter.

Tufala i kasem ol rapis injury long body sins saeklon i pasem olgeta long Wednesday. Tufala i blong Fanla vilej.

From issue blong network mo bigfala damej long aelan oli jes komuniket blong save kasem medikol support.

Hemi wan man we i kat around 30 yia, Bong Sawan, we i stap traem blong savem house blong olgeta long strong wind taem wan brunj blong tri fly i kat blong kilim hem. Hemi kasem kill long hed, chest mo leg.

Nara wan hemi wan gel we kat around 16 yia, hemi bin stap long semak house, mo brunj blong tri ia i kilim nogud leg blong hem.

Family blong tufala, Sam Sawan, hemi talem se tufala i stap long wan stable condition naoia mo oli pas long ex-ray tete.

Long taem blong saeklon, wife mo pikinini blong Bong Sawan i bin safe under long wan table.

Pipol long Ambrym stap establishim contact wetem families nao.

Reports i showem major damage long ol homes mo karen.

Pipol i expect shortage blong kakae too long ol kaming days folem big damej long karen, mo ol landslide we perem ol kakae.

Wan komiti blong disaster blong Ambrym i form long Port Vila tete Satete afternoon blong lukluk long ol support i go long aelan.