Repatriation flaet bai hemi stat bagegen long fes wik blong February.

Hemi konfemesen we Director blong Foreign Affairs Dipatmen, Yvon Basil i kivim.

Mr Basil i talem se National Disaster Comiti i bin agri blong repatriation i stat long taem ia long en blong Decemba.

Hemia folem sam ripea we i stap ko hed long International terminal we Airports Vanuatu Limited, Customs mo Biosecurity oli stap wok long hem naoia.

Director Basil i talem se oli stap wok blong extendem spes mo fixim ventilation system blong airport.

Hemi talem tu se ol frantlin wokman plante oli jes karem leave long en blong Decemba folem sam dilei repatriation flaet blong olgeta stranded citizen.

Mr Basil i talem se ol risen ia nao i mekem repatriation bai hemi stat long February.