Fes referendum weh bae kamoat nekis yia bae save kostem Kavman kolosap 300 milien vatu.
Praem Minista Charlot Salwai hemi konfem se gavman bae reviewim 77billion bajet blong 2024 blong mekem se referendum i stap lem tu.
“Kansel blong Minista oli mas refewim bajet bakeken from naoia i kat fulap pati bakeken oli kam joen beh yumi mas depen long refenu blong Kavman,” hemi talem
PM Salwai hemi talem se referundum i mas hapen long six manis taim, hemia long fes kota blong 2024.
Referendum ia bae mek sua se ol pipol save vote blong agri o no agri blong wan Minista i mas lusum jea blem long Palamen sos hemi aot mo resaen long politikol pati blem.
Ol nara independen memba tu weh no representem wan nara pati oli mas joenem wan politikol pati.
PM Salwai hemi talem tu se long referendum blong nekis yia bae nidim Kansel blong Minista blong mekem wan vote blong refom blong mekem ol wok blong Palamentari Sekreteri.
Jeaman blong Electrol Comisen, Edward Kaltamat hemi tokbout cos blong eleksen ia.
“Referendum ia bae emi kostem kavman 300 milien vatu from bae hemi lukoatem fulap samting, mo bae fes konsaltesen bae hemi mas wan nasen wide konsaltesen blong kasem evri pipol blong kantri mo sekon konsaltesen pa mas kasem evri eleksen vota,” hemi talem
Mr Kaltamat hemi talem se long eli manis blong Januari bae oli mekem wan niu rod map blong referendum.
“Bae rod map ia emi spesifik mo pa kat det laen blem blong ol wok i mas finis lem from nomo se 6 manis emi no longwan tumas.”
Elektorol Komisen bae anounsem ol det blong nara tu Eleksen tu we bae hapen long fes quarter blong 2024 bae hemi Sanma Provincial Eleksen mo By Election blong Ambrym aelan.
