Pipol oli save stap kwaet olgeta wan sapos oli kat gudfala haos, mo wan rum we oli save stap long hem taem oli kasem COVID-19.
Director blong Curative mo Hospital Services long Ministry blong Health, Dr Sereana Natuman, i talem infomesen ia folem kwesten se wanem nao man hemi sud mekem sapos hemi kasem ol saen blong COVID.
“I gud blong traem isolatem yu wan sapos yu kat fasiliti,” Dr Natuman i talem.
“Mifala i stap wok had blong kat ol komuniti isolation kwarentin blong COVID-19. Samtaem yu sud mekem wan tes blong COVID-19, sapos i availabol. I kat sam man we oli nogat saen blong COVID mbe oli tes positiv. Mo i kat ol man we oli kat ol saen mo oli kat virus. Taem yu kasem resal yu save isolate o stap yu wan.”
Director blong Policy, Planning mo Corporate long Ministry blong Health Dr Samuel Pusikai Tapo, i talem pipol i save kolem 911 blong helt i save kam from olgeta sapos oli sik.
“Sapos wan man long haos i tes postiv, yumi nid blong isolate, i min se yu no nid blong travel aot; yu no nid blong kam long wok sapos u filim se yu kat flu, nose i ron, yu stap kwaet yu wan long haso,” Dr Tapo i talem.
“Ten yu save kolem Ministry blong Health long 119 o 112, afta mifala i save sendem tim i kam blong ranem tes o tekem yu i ko long wan ples we i stret. Sam long yumi ol famili i kat tu o tri man i silip long wan rum. So sapos yu fil se wan famili memba i sik, hemi nid blong isolate.”
Dr Natuman i talem se ol saen blong COVID-19 hemi ol common flu saen.
“Nose i ron, yu cough, kat soa throat, muscle mo joint i soa mo feva,” Dr Natuman i talem.
“Sam long ol man bae oli lusum sense blong smelem samting. Hemia nao ol mein saen blong COVID-19.
Dr Tapo i talem se hemi impoten blong tekem boosta stik blong helpem ol waet blood cell i faet akensem COVID-19.
