Assessment we ol engineer oli mekem i soem se bridge ia i stanap strong yet, be oli recomendem sam impoten aksen we ol otoriti oli mas folem blong mekem se hemi stap sef.
Hemia folem olgeta crack weh bridge ia e kasem long taem blong 7.3 magnitude earthquake long 17 Desemba 2024.
Nathan Tabi, we hemi PWD Road Administrator, i talem se naoia ol restrictions oli stap blong limitim ol trak we oli save krosem bridge folem advaes blong ol Australian Engineers.
“Everi trak oli mas travel long 20km/hr nomo mo olgeta kamion oli mas no kasem ova long 40 tonne,” Tabi i talem.
PWD bae i wok wetem police mo wardens blong monitorem bridge mo enforcem ol rul ia.
Long Term Plan – Replacem Bridge
Tabi i talem se long term plan blong bridge ya hemi blong bildim wan niufala wan.
“Inside long 3 manis, PWD bae i mekem sam repair, be long futja sapos gavman i gat mane, bae yumi mas replacem bridge ya. Olfala bridge ia oli bildim bifo long independence, mo naoia hemi kasem limit blong hem.”
PWD i stap wok long request blong funding tru long investment projects.
“Mi no gat ful infomesen yet long funding, be mi saveh se yumi bin sendem request finis. Process ia i stap yet.”
Long taem ia, ol restrictions i stap blong mekem se pipol oli sef mo access i stap open. PWD i talem se oli bae gohed blong monitorem condition blong bridge ia
Strakjerol Assesmen Updeits
Daerekta jenerol blong Infrastrakja deptmen hemi confem se ol structural asesmen we oli request tru long aid hemi complete.
Australia hemi kivim ol initial recomendation be full report blong olketa bai hemi kamout samting logn wik ia or nekis wik.
“Ol Australian Engineers oli komplitim ol strcutural assessment blong olgeta mo bai oli kivim final ripot sam taem long wik ia”, Direkta Jenerol Johnson Iauma
Hemi confirm se China hemi focus long ol building we hemi fundem be hemi no kivim any repot long department yet.
Australia mo Japan oli oli focus tu long ol funded infrustrukja mo includum hemia we kavman hemi requestem blong oli lukluk lem.
Photo credit: Vanuatu Public Works Department