Saturday, February 8, 2025
25.1 C
Port-Vila
Saturday, February 8, 2025
More
    Saturday, February 8, 2025

    Nasonal Weta: Wednesday 10 June

    Ol aelan long Not mo sam pat blong ol sentrol aelan long kaontri bae oli kasem ren long tedei.

    Vanuatu Meteorology mo Geo-Harzards Dipatmen i talem se mbe long ol nara pat blong kaontri oli sud gat wan klaodi kondisen wetem janis blon smol ren i save foldaon.

    Duti Weta Fokasta long Vanuatu Meteorology mo Geo-Harzards Dipatmen i talem se fres saotis win bae i bloa truaot long grup.

    Hem i talem se maximum tempereja long tedei bae hem i stap long 26 dikri daon long saot kasem 28 dikri antap long not. Minimum tempereja long tunaet hem i stap long 18 dikri daon long saot kasem 25 dikri antap long not.

    Duti Weta Fokasta ia i talem se long solwora, win bae i bloa long saotis wetem spid blong 21 kasem 30 knot. Solwora bae i raf mo ko antap long 2.5 kasem 3.0 mita. Hem ia bae yumi save ekspektem ova long Saoten, Channel mo pat blong Sentrol wota. Mbe long solwora long ol nara pat blong kaontri, win bae i bloa i kam long saotis wetem spid blong 11 kasem 15 knot mo solwora i save ko antap long 1.0 kasem 1.5 mita.

    Video series

    spot_img

    Must Read

    • https://radio.vbtc.vu/radiovanuatu
    • Radio Vanuatu
    • Radio Stations
    • https://radio.vbtc.vu/paradisefm
    • Paradise FM
    • Radio Stations
    • https://radio.vbtc.vu/femmefm
    • Femme Pawa
    • Radio Stations