Sunday, May 19, 2024
29.8 C
Port-Vila
Sunday, May 19, 2024
More

    Nasonal Weta: Wednesday 03 June

    Sam aelan long Vanuatu bae oli ekspektem smol ren long tedei we bae i save foldaon mbe ol narafala ples long kaontri i sud gat patli klaodi kondisen.

    Vanuatu Meteorology mo Geo-Hazards Dipatmen i talem se smol ren bae i save foldaon long ol aelan long Torba. Mbe ol narafala pat blong kaontri i sud gat patli klaodi weta nomo wetem janis blong smol ren i save foldaon.

    Duti Weta Fokasta long Meteo Ofis i talem se laet win bae i save bloa long Is i ko long Saotis truaot long grup.

    Hem i talem se maximum tempereja blong dei blong tede bae hem i stap long 29 dikri daon long saot i ko long 31 dikri antap long not. Minimum tempereja blong tunaet bae hem i stap long 20 dikri daon long saot i ko long 25 dikri antap long not.

    Duti Weta Fokasta ia i talem se long solwora, win bae i bloa long is i ko long saotis wetem spid blong 16 kasem 20knot. Haet blong solwora bae i stap long 1.5 mita mo i save ko antap kasem 2.0 mita ova long ol open kostol wota blong yumi.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen