Monday, July 15, 2024
29.8 C
Port-Vila
Monday, July 15, 2024
More

    Konsaltesen Infrastructure projek

    Wan konsaltesen i ko hed blong luk hao Vanuatu i save patna wetem World Bank blong helpem ol infrastructure projek blong hem.

    Thomas Lubek, Manaja blong Aisia Pacific Transaction advisor Service blong Internationl Finance Cooperation, i talem se bai oli luk model blong Public private Partnership blong implementem ol eria ia.

    “Pepes blong mifala hemi blong traem kivim advisori mo consaltesen sevis long kavman blong helpem olgeta i solvem infrastrakja nid blong kaontri tru long use blong praevet sekta,” Mr Thomas Lubek hemi talem.

    “Mifala i bin mit wetem ol relevent minista blogn tokbout hemia mo traem tu blong andastandem ol prioriti eria blong kavman.”

    Mr Lubek wetem team blong hem oli mitim Minista blong Finance, Minista blong infrastructure mo climate change.

    “Wan long ol mein eria we i kamout klia olsem wan prioriti hemi afordable housing, mi ting se situesen ia hemi serious from wetem urbanisation long Port Vila i kat nid blong moa climate recilliant accomodation we normal pipol i save afodem,” Mr Lubek i talemaot

    “Be yumi stap yet long start blong traem undastand rialiti blong hem.”

    General Manager blong National Housing Cooperation, Levi Tarosa, hemi talem se konsaltesen ia hemi kam long wan stret taem.

    “Wan household mo inkam suvey blong statistics ofis i soem se aot long ova seven tausen household long Port Vila, 30% nomo oli live long gudfala haos,” Mr Tarosa i talemaot.

    “Hemia i soem se araon long 10,000 haos oli no stap long wan haos we i no stap long gudfala kondisen, hemi wan alarming figa.

    “Hemia i statistics blong 2010, naoia we i stap namba i i kam moa bigwan.”

    Mr Tarosa hemi talem se i mas kat ol polisi inples nao blong adresem isu ia bifo i kam moa wos.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen