Ministri blong Klaement Jenj hemi holem wan miting blong fes Nasonal Solid Waste Summit long wik ia blong lukluk long propa manejmen blong toti long kantri.
Miting ia hemi blong lukluk long ol impoten plan mo tingting long hao blong managem mo seperatem toti long stret ples mo fasin, mo hao blong mekem money long toti.
Depatment blong Environment wetem ol Stek holda partna insaed long kantri oli plan blong kat wan Nasenol Solid Waste Samit blong fanem aot hao kantri hemi save managem o seperatem gud ol toti we pipol i sakem.
Minister blong Klaemet Jenj Hon. Ralph Regenvanu hemi talemaot ol stampa tingting behaen long miting ia.
“Bigfala objektif blong miting ia hemi blong tokbaot waste separation, mekem money long waste, hao Kavman hemi save help passem ol laws ol taxes blong mekem se, yumi save mekem money long waste blong encouragem, createm wan indastri blong yumi karem aot evri waste blong yumi, yumi nomo stap putum i ko long environmen, i nokat tumas i ko long Etas, mo yumi stat blong dil wetem wan bigfala problem blong waste we i stap long kantri blong yumi.”
Solid waste olsem ol plastic, ol glass o bottle, iron mo steel, ol aluminium, container mo toti blong kakae hemi kam wan bigfala problem long kantri,
“Yumi evri wan yumi luk hao ol man oli stap tekem ol toti olsem ol plastic, ol iron mo oli sakem olbaot i pollutem environmen.
“Yumi luk tu se wan fasin we yumi kat blong fulap everi samting long yellow plastic bag o green plastic bag sapose yu stap long Shefa and yu ko tekem i ko long dum site.
“Emi tu i mekem se dum site i stap fulap hariap mo bai i no save las long taem from tumas toti i stap ko long wee, yumi no stap separetem toti.
Wan gud example emi bitim haf blong ol toti we i stap ko long Etas, emi ol samting we oli save ko bak long groan olsem leave, makas blong kava, ol organic waste we yumi save usem bakegen, mekem compost, mekem graon i rich lem.”
Minista Regenvanu hemi talem se blong dil wetem toti we pipol i sakem olbaot, pipol oli mas changem tingting lo wan gud fasin blong save wanem i raet mo wanem i rong.
“Yumi save dil wetem waste, but fes samting yumi nid blong changem attitude blong yumi stap long waste seperation. Emia nao yumi traem kam tok long everi wan long ples ia, blong yumi promotem waste separation.”
Wan narafala tingting o plan we kavman hemi stap lukluk long hem naoia hemi blong ol pipol oli save mekem mane long toti.
“Bambae yumi setem ol samting olsem container deposit scheme blong mekem se evri samting, ol bottle we yu pem long stoe, we i kat drink insaed lem, bai yumi talem se ol beverage; wine, beer, fruit, wota, everi samting olsem ia, everi bottle baebae yumi mekem olsem ol bottle blong tusker.
We taem yu kivim bak, ba yu karem bak 10vt o samting olsem, so bae yumi createm wan nuifala industry long Vanuatu long waste.”
I still kat nid yet blong rasiem mao awenes blong addressem isu blong hao blong manejem toti mo seperetem.
Ol fuja lukluk mo plan blong Kavman hemi blong bildim wan nuifala indastri blong manejem gud toti we ol man oli i sakem.
