Vanuatu Red Cross i stap mekem registration blong olgeta we oli lusum wok from earthquake, blong oli save kasem wan multipurpose cash transfer blong 20,000VT long wan man.
Dickinson Tevi, Sekretari Jenerol blong Vanuatu Red Cross Society, i talem se:
“Mifala i targetem tri kaen unemployment: olgeta we oli lusum wok fulwan, olgeta we boss i katem daon ol dei blong olgeta, mo olgeta we salary blong olgeta i bin go daon from earthquake ya.”
Hu nao i save kasem help?
✔ Olgeta we oli nomo wok
✔ Olgeta we oli wok sam dei nomo (e.g. from 5 dei i go daon long 2-3 dei long wan wik).
✔ Olgeta we oli still wok full time be salary blong olgeta hemi drop.
Priority registration i stap blong olgeta we wok long:
- Ol wok ples long CBD
- Bilding klosap long Thai Viet Hardware mo Wong Store long Tagabe
- Olgeta we oli wok long ol narafala ples long Efate we Earthquake hemi spoilem work blong olgeta
Ol Impoten Samting Blong Karem I Kam Long Registration
- VNPF number blong yu
- ID Card blong yu
- Copy blong contract (sapos yu gat wan)
Registration i tekem ples long: Saralana Stage mo Las dei blong registration hemi tedei!
Sapos fulap pipol oli no kasem janis blong register, Red Cross i saveh openem registration bakaken long Monday nekis wik.
Afta we Vanuatu Red Cross i mekem verification long ol data, Red Cross Federation long Suva bai i approve ol eligible wok man mo sendem funding i kam blong help. Mifala i mas gat at least 500 pipol long fes list bifo we mifala i save sendem i go.
