Suprim Kot hemi sentensem 26 yia old man ia eli long manis ia afta weh hemi plid kilti long wan jaj blong international homicide, without-meditation.
Kot hemi harem seh man ia hemi bin lokem do blong haus blong tufala mo kilim woman blong hem insaed.
Kot i harem tu seh brata blong man ia hemi bin harem woman ia hemi singaot mo luk hem i foldaon i stap.
Mania hemi bin talem long polis seh woman ia weh tufala i bin lif tugeta blong 8 yia hemi askem hem blong stop kilim hem beh hemi no stop from hemi kros tumas.
Medikal ripot i soem seh kos blong ded blong woman ia hemi ol bigfala kil long hed mo bodi blong hem.
Mania hemi talem long kot seh hemi bin mekem aksem ia from hemi bilifim seh woman blong hem hemi stap luk wan nara man.
Beh Jastis Maree MacKenzie hemi talem seh even sapos woman blong hem i stap mekem fasen ia, fasen weh hemi mekem no stret from mekem wan yang woman hemi lusum laef blong hem.
Jastis MacKenzie hemi seh ol fasen olsem i nidim blong mas gat wan strong panismen olsem.
