Kavman i givim VT30 million i go blong bildim bak Luganville Municipal Town Hall.
Hem ia i soem komitment blong kavman long rikavari blong key institution blong hem.
Ministri blong Internal Afea we hemi responsibol long ol lokol kavman mo municipaliti i mekem handing ova blong mane ia i ko long Mayor blong Luganville.
Deputi Praem Minista, mo semtaem Minista blong Internal Afea, Ishmael Kalsakau i talem se fund we kavman i givm hemi folem wan kol we Mayor Peter Patty i requestem.
Minista Kalsakau hemi decribem bilding blong Luganville Taon Hall olsem kijin blong ol pipol blong Luganville.
Amaont blong mane ia hemi kamaot long own basket blong Ministry.
Long taem blong handing ova blong mani, Minista Kalsakau i askem Mayor blong bildim bak taon hall ia long yia ia nomo.
Long Respon, Mayor blong Luganville Peter Patty i talem se hemi glad tumas blong lukim komitment blong kavman we hemi save ansarem nid blong pipol blong Lunganville.
Mayor Patty i talem se hem ia i soem strong patnasip we oli gat sins hemi holem posisen olsem mayor mo assurem Deputi Praem Minista se bae niufala taon hall ia bae i stanap bifo en blong yia ia.
