Vanuatu Elektrol Komisen hemi statem finis blong jekem ol balot box blong Snap General Election blong last wik.
Igat wan totol blong 341 Poling steisens long eleksen ya wetem samples long 400 ballot boxes weh Elektoral Komisen hemi mas verifaem ol counting blong wanwan poling steisen ya befo hemi save mekem diklereisen blong ol ofisol resal blong eleksen.
Trifala memba blong komisen wetem ol narafala officials oli stap mekem ol verification ya long ofis blong Vanuatu Electoral Commission long Port Vila wetem plan blong finisim wok blong verification ya befo en blong wik ya.
Pat 1 blong standing oda blong palamen hemi talem i klia seh Clerk blong palamen hemi mas sendem notis igo long ol memba blong Palamen blong singaotem palamen inside long 21 deis afta long wan generol eleksen.
Notis ia ol memba i mas risivim 10 dei befo palemen hemi mit.
Folem eleksen blong namba 16 Januari, Clerk blong palamen hemi mas sendem notis blong palamen hemi sitdaon bifo long namba 6 Februari mo hemia hemi minim tu seh dikleireisen blong ofisol resal blong eleksen hemi save kamaot before long deit ya beh Vanuatu Electoral Commision nao bae hemi confirmem afta long work blong ol verification.
Part 1 blong standing order blong palamen hemi talem tu seh notis blong singaotem palamen bae hemi mas go aot 10 days before date weh palamen bae hemi sitdaon long hem.
