Sunday, May 19, 2024
29.8 C
Port-Vila
Sunday, May 19, 2024
More

    Vanuatu bae i gat fes referendum long nekis yia

    Praem Minista Charlot Salwai.

    Vanuatu bae i gat fes referendum insaed long 6 manis afta we palemen i bin passem wan bill blong jenjem Constitution tedei.

    Ol MP i bin vot blong passem wan bill we bae i jenjem Constitution, mo pepes blong jenjes ia hem i blong impruvum stability long palemen.

    Wan long ol bigfala jenj we bill ia i mekem hemi blong vacatem sit blong eni memba blong Palemen we oli ekspel or risaen long political pati we oli affiliate long hem.

    Bill ia bae i needim ol independent members mo eni memba we hem wan nomo i representem wan pati blong i mas affiliate long wan pati long Palemen.

    Be tedei long aftanun Palemen i bin vot blong karemaot wan pat long bill ia we bae i mekem Palemen bae inosave passem wan motion blong nokat trust within long period blong 12 manis afta long eleksen blong wan Praem Minista.

    Desisen blong karemaot seksen ia i kam afta we sam MPs i no agri long wanem period blong taem we Palemen hem i no save passem wan motion.

    Wan konsen we i kamap hemi blong Foma Praem Minista, Ishmael Kalsakau Mau’aukoro.

    MP for Port Vila and foma praem minista, Ishmael Kalsakau.

    Hem i talem se Palemen i shud diskasem blong allowem ol motion long 12 manis afta long wan eleksen.

    “Anything other than that bambae hem i save affektem raets blong ol membas blong Palemen blong oli freely jusum hu bambae i praem minista blong olgeta,” Hon Kalsakau i talem.

    “I luk gud blong yumi kasem resolusen long ples ia, be long ples we text i stap long hem naoiya, mi for wan bambae mi no vot blong sapotem.”

    Praem Minista Charlot Salwai Tabimasmas i talem se bae reform ia i go long wan committee blong reviu mo bae Palemen i diskasem bakegen.

    Mo Hon Salwai i talem se blong referendum long nekis yia, bae Council of Ministers i askem President blong includum wan vot long wan refom we i createm rol blong parliamentary secretary.

    According long Atikol 86 blong Constitution, wan nasenol referendum hemi mas hapen sipos Palemen hemi passem wan Amendmen blong Constitution long saed blong Bislama, English mo French, Elektoral System o Palementri system.

    Long Mandei, Palemen hemi passem Politikol Pati Registration Bill we hemi givim ol rul abaot responsibiliti blong ol political pati we i wantem contestem wan general eleksen.

    Ol memba we oli stap lo Palemen long Mandei oli sapotem bil ia. Bill i gat 46 vote.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen