Sunday, February 9, 2025
24.8 C
Port-Vila
Sunday, February 9, 2025
More
    Sunday, February 9, 2025

    Ureparapara i nogat telekomunikesen sevis yet sins Independens

    Ol pipol long Ureparapara Aelan long Torba Province i talem se hem i 40 yia nao we aelan ia i no kasem yet telekomunikesen sevis.

    Paramaon Jif blong Ureparapara, David Silas, i talem se hem wetem ol pipol blong hem i no stap risivim infomesen long wanem i stap hapen long kaontri from i nogat sevis ia.

    Paramaon Jif Silas i talem se plante taem oli stap sek se i kat wan delegesen i stap long graon blong visitim olketa from oli nokat telekomunikeson sevis sins indipendens.

    Paramaon Jif blong Ureparapara, David Silas.

    Jif Silas i reisem konsen blong olgeta ia long wan tim blong Ocean Division long Ministry blong Foreign Affairs taem oli ko long aelan ia i no longtaem i pas.

    “Hem i no wan mistake blong yumi save mit tugeta olsem long tedei. From samtaem infomesen bae yu gat excuse se mi no arem infomesen mi no bin pripea. Yumi no save wetaem big man hem i kam hem i nogat wan notis. So tankiu tumas long wei we yu save mekem,” Jif Silas i talem.

    Eventou ol pipol long aelan ia oli no konek wetem ol nara pipol long ol nara aelan long kaontri from i nogat telekomunikesen sevis mbe laef hem i ko nomol.

    Ol pipol oli kohed blong mekem ol nomol aktiviti olsem faming, ko fising mo mekem ol nara deili sosol aktiviti.

    Jif Silas i talem se oli wis se wan dei bambae oli gat ol sevis ia i ko long olgeta.

    Video series

    spot_img

    Must Read

    • https://radio.vbtc.vu/radiovanuatu
    • Radio Vanuatu
    • Radio Stations
    • https://radio.vbtc.vu/paradisefm
    • Paradise FM
    • Radio Stations
    • https://radio.vbtc.vu/femmefm
    • Femme Pawa
    • Radio Stations