Saturday, May 18, 2024
25.8 C
Port-Vila
Saturday, May 18, 2024
More

    Trening i helpem VMGD mekem tropikal saeklon outlook

    I kat tu wik nomo hemi stap bifo kaontri hemi ko long wan narafala saeklone sisen.

    Wan trening hemi tekem ples blong helpem olgeta long Vanuatu Meteorology and Geo-Hazard Department (VMGD) i kivim aot infomesen blong helpem pipol i prepea.

    Sisen blong saeklon hemi stat long Novemba kasem Aprel nekis yia, mo bikfala preparesen hemi stap go hed long how blong kivim aot ol impoten infomesen.

    Trening we i go hed long wik ia hemi tekem tugeta ol climatologists mo klaemet scientific ofisa blong VMGD, we oli lukluk long preparesen blong tropikal saeklon outlook everi yia.

    Stamba tingting nao hemi blong kivim aot ol key mesej taem saeklon sisen hemi stat.

    Professor Yuriy Kuleshov, long Bureau blong Meteorology long Australia, nao hemi ranem trening ia, mo hemi se hemia i namba tu taem we oli ranem kaen trening olsem long kaontri.

    Hemi talem se El Nino bae hemi afektem outlook ia. Hemi talem se El Nino bae hemi mekem solwata wom mo i afektem tropikal saeklon.

    Professor Kuleshov i talem se trening ia i lukluk blong mekem nekis outlook blong saeklon sisen mo i includem infomesen blong helpem ol pipol long Vanuatu i prepea long saeklon sisen.

    Vanuatu tropikal saeklon traking map hemi wan importen tool we oli tokabaot long trening ia.

    Hemi easi mo clear blong ol people long grassroot level i understandem.

    Professor Kuleshov hemi praisem VMGD blong designem traking map ia mo blo encouragem ol nara kaontri long Pasifik blong kat wan tropikal saeklon traking map olsem.

    Hemi talem se wok blong tokabaot science infomesen long ol pipol long publik hemi no easi, be traking map ia i soem infomesen we ol pipol i save understanem. Hemi talem se map ia i helpem ol pipol i tekem gudfala aksen long taem blong wan saeklon.

    Trening ia hemi kam tru long partnership we VMGD wetem Secretariat blong Pacific Regional Environment Programme (SPREP) i wokem olsem part blong VanKIRAP Project.

    VMGD bai hemi announcem tropikal saeklone outlook blong nekis sisen long National Climate Outlook Forum long Santo, long end blong manis ia.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen