Fes trip blong team Vanuatu blong ko daon long Pacific kems long Solomon Aelan i leko kaontri tedei long moning.
Fesfala tim ya oli kolem olgeta Tim Vanuatu -1.
Long tim ya ikat ova long 100 plus Athlet mo Ofisel.
Ikat olgeta pleya, tim maneja, koj mo ikat presens blong Direkta General blong Youth mo Sports, Russel Tamata, weh bae oli lidim tim Vanuatu iko daon long Solomon.
Insaet long Tim Vanuatu-1 ikat ol sports olsem, Golf, Futbol (man mo woman), Rugby League (man mo woman), Tennis, Table Tennis, Swimming mo Archery.
Long lukluk weh istap bae Tim Vanuatu -1 bae oli kam bak long kaontri long 21 o 27 manis ya.
Mo afta long hemya bae Tim Vanuatu -2 wetem ol nata sports weh istap , bae oli leko kaontri blong ko long Honiara.
