Saturday, February 8, 2025
25.1 C
Port-Vila
Saturday, February 8, 2025
More
    Saturday, February 8, 2025

    Salili Komuniti weh i facem Eviction notis oli bin kasem wan temporari setelmen

    Community blong Salili weh oli karem eviction notis oli kasem wan offer blong save go mekem temporari setelmen blong wan eria kasem taem oli faenem ples blong setel gud.

    Wan Jif blong Erakor, Anuel Lauto hemi seh hemi redi blong akomondeitem araon 250 pipol blong Salili weh eviction oda ia bae hemi afektem olfeta.

    Afta weh Suprim Kot i givim kot oda long feva blong Zino-Van Limited, smol komuniti blong Salili ia oli gat kasem namba 2 December nomo blong muv aot.

    Eli long September VBTC Nius hemi bin witnesen mo ripotem wari blong comuniti ia taem oli kasem notis mo stap askem asistens.

    Tru long negosiesen blong 2 counsela blong Shefa Provincial Gavman, Jif Lauto hemi agri blong helpem ol pipol ia wetem wan temporari solusen.

    Jif Lauto hemi talem seh eria weh hemi agri blong comuniti ia i muv igo long hem hemi klia finis wetem fens mo acess long mein rod, wota saplae mo elektrisiti.

    VBTC Nius hemi bin toktok wetem wan comuniti memba blong Salili mo hemi confirmem seh sam representatif blong komuniti oli bin toktok wetem Jif Lauto.

    Wan memba blong Komuniti long Salili i talem seh “Jif Lauto hemi toktok wetem mifala mo i talem seh ples ya hemi blong mifala e sef nomo lem kasem taem mifala i finem wan ples weh mifala save muv i go long hem. Ples ya hemi blong mifala sevem ol tink blo mifala nomo long hem”.

    VBTC Nius hemi kasem infomesen too seh igat sam nara pipol too weh oli ofa blong helpem comuniti ia.

    Eviction blong ol comunitie espeseli long Efate hemi stap kam wan isu mo afektem plante famili mo properti. Eli long yia ia i bin gat wan bigfala eviction finis long eria blong Korman. Folem kot oda eviction blong eria blong Salili bae hemi tekem ples long namba 2 December mo later long yia ia bae i gat wan mo long Eratap.

    Video series

    spot_img

    Must Read

    • https://radio.vbtc.vu/radiovanuatu
    • Radio Vanuatu
    • Radio Stations
    • https://radio.vbtc.vu/paradisefm
    • Paradise FM
    • Radio Stations
    • https://radio.vbtc.vu/femmefm
    • Femme Pawa
    • Radio Stations