Ikat wan proposal blong givim compassionate pass long ol Studen raon long Vanuatu.
Hemia bai allowem ol student i pass iko long Next level blong education blong olgeta nomata seh oli failem exam.
National executive meeting blong Vanuatu Teacher Union (VTU) last week hemi approvem blong VTU hemi requestem Ministry blong education blong hemi givim compassionate pass long ol Student.
Secretary General blong VTU Jonathan Yona iseh request ia i kasem Ministry blong Education tedei.
SG Yona i seh hemi wan way blong adresem failure long prosses weh gavman hemi kosem. SG blong VTU i seh oli requestem too blong Gavman hemi givim skolasip long ol Yr 13 Next year long University level.
SG Yona hemi statem seh “Blong no holem ol studen blong oli responsible long failure blong proces blong kavman, bai VTU i askem kavman Ministri blong allowem Compassionate Pass blong evri examination classes. I no failure blong ol studens spos oli failem exam, hemi failure blong process blong wan system long Education blong Vanuatu. Yumi no wantem system i failem ol pikinini”.
