I gat sam skul long Port Vila weh oli prepea finis blong saveh tekem olgeta end blong yia exam.
Mo oli gat bigfala confidens blong seh bae oli saveh ko tru long exam ya saksesfuli.
Wan long olgeta issue weh hemi kam aot long straek blong ol tija, hemi consen blong ol perens long saed blong ol end blong yia exam blong ol studen.
VBTC i bin toktok wetem olgeta prinsipol blong Malapoa College, Vila East mo Sentrol skul, mo oli bin givim olgeta updet blong ol exam.
Prinsipol blong Sentrol skul, George Willietien, hemi bin toktok long VBTC mo hemi bin talem olgeta i mekem fulap wok blong saveh ensurem seh ol studen i gat ol resos weh oli nidim.
VBTC i bin toktok long Augustine Tabi, weh hemi stap olsem acting Prinsipol blong Malapoa college, mo hemi bin talem seh wael ol tija i bin straek, olgeta i putum fulap efot blong folem curiculum weh oli gat blong saveh preperem ol studen.
Acting Prinsipol blong Vila East skul, Dorina Sam i toktok wetem VBTC News mo hemi seh olgeta i stap wok yet long preperasen blong ol exam.
Sentrol skul mo Malapoa college bae i statem olgeta mock exam blong ol long nekis wik.