Port Vila Rodeo bae emi kam bak long aksen long wiken ia.
Emi wan difren kaen sports disiplin bakeken we i karem tugeta ol hos man mo buluk man wetem ol wild buluk mo horse blong olketa blong mekem show mo sem taem kompit long from blong ol spektetas.
Port Vila Rodeo bae emi kam live bakeken long Saturday 5 mo Sunday 6 Oktoba long wiken ia.
Ivent ia emi stap tekem ples evri yia mo yia ia bae emi wan spesel wan.
Taem bae i lukim i kat ol top hos man mo buluk man blong Niu Caledonia, Santo mo Port Vila bae oli kompit long dei ia.
Taem VBTC sports i toktok wetem president blong Port vila Rodeo, David Ruset mo i talem se yia ia long bellevue pak long port vila Rodeo bae emi moa interesting kompea long ol pass yia.
Emi talem tu se bae i kat ol top hos man mo buluk man blong Niu Caledoania tu bae oli kam jalens long yia ia.
Emi talem tu se bae i kat wan grup blong aelan blong Santo bae oli kam kompit tu long taem ia.
Ivent ia bae emi karem 2 deis we bae i stat long 5 mo 6 Oktoba long bellevue pak long Port Vila.
Emi ol finals mo Port Vila Rodeo i askem pablik blong kam plante mo watjem ol aksen long taem ia. Rodeo emi wan ivent we emi stap tekem ples evri yia.