Wan important plan blong managem resos long solwota hemi klosap finis afta wan miting long Pele long wik ia.
Wokbout blong achievem Marine Spatial Plan blong preservem marine resos blong kaontri hemi start long 2017.
Wan tri dei wokshop, we i stap long Pilliura vilij long elan blong Pele, i tekem tugeta ol ki stekholda blong gavman mo ol patna blong hem, blong developem mo finalisem draft blong Marine Spatial Plan ia we hemi blong yia 2018 kasem 2020.
Foreign mo Oceans Affairs wetem Watt Institute tru long Blue Prosperity Vanuatu nao i tekem tingting ia.
Wok long Pele hemi blong discussem olsem wanem bai kaontri hemi save wokabaot wetem plan ia.
Head blong Maritime mo Ocean Affairs, Mr Tony Tevi, hemi talem hao nao tingting blong kat wan Marine Spatial Plan hemi kam antap.
“Hemi klear se wan major component blong ocean’s polisi blong yumi, hemi blong kat wan Marine Spatial Plan.
“Marine Spatial Plan ia hemi important from se, yumi save allocatem ol space inside long solwota, blong ol uses we oli plante olsem wanem be yumi mekem sure se, inside long solwota oli save usem ol space ia, bai i nogat raorao mo oli usem long wan way we oli no over exploitem ol ocean resource.
“I kam kasem 2017 yumi startem process blong wokbout from Marine Spatial Plan blong yumi, i kam kasem 2020 Covid i kam then yumi stop.”
Mr Tevi i talem se aotkam blong meeting ia hemi agree long Zero draft plan we i stap vinis long yia 2020.
“Consultation wetem everiwan yumi agree long certain samting, certain hao blong move forward from noaia i ko, mi glad blong talem se miting ia i agree se wanem we yumi lego lo 2020 we oli singaotem se The Zero Draft, miting i agree se yumi continue nomo wetem i ko.”
Wan nara risol we Mr Tevi hemi talem long miting ia, hemi agree blong i kat wan National Ocean’s Summit long March nekis yia, mo wan profensal kaonsel siting long manis May nekis yia.
“Target blong yumi hemi long March bai yumi kat wan National Ocean’s Summit, National Ocean’s Summit blong yumi ia nao, bai hemi tokabotem everi issues ia, be long wan very high political level. Bai yumi save muv aot long Zero draft ia, taem yumi muv aot long Zero Draft ia nao then bai yumi save kat wan Marine Spatial Plan.”
Mr Tevi hemi talem se miting we bai i tekem ples nekis yia, bai hemi tekem ol bigfala man long kavman blong kam togeta blong discussem ol finol tingting blong Marine Spatial Plan, mo ol legal way fowod mo discussem ol tingting hao bai kaontri hemi save mekem mani long solwota long profensal mo nasenal level.
“Plan insaed long solwota we hemi comprise long 98% space blong yumi, hemi nidim legislative review,” hemi talem.
“Yumi mas luk se ol legislation oli mekem se i stret, blo ba i mas kat, lukaot baibai sam long ol legislation i clash. Yumi also lukim se insaed long solwota blong yumi, yumi nid blong mekem moa mani.
“Plan we ba i kam ia, Marine Spatial Plan ia includem wetem legislative review blem. Bai hemi generatem hamas mani blong yumi, o i save generate hamas or hao nao yumi save mekem plan ia so that i help blong generate income blong kavman so that i save ranem day to day business blem.”
Jif John Maiserae, long Pilliura vilij hemi talem se wetem ol kaen mitiing mo tingting olsem ia, ba hemi helpem kommunti mo vilij long hao blong protectem mo managem gud ol resos long solwota blong olgeta.
“Ol konservation ia hemi very gud tingting, very gud idea, hemi wan samting we ba yumi talem se hemi helpem farming blong fis, mi luk i kat jenis long hem, bigfala jenis, long ol clam shell, ol seashell, wetem ol fis, oli gud tumas.”
Marine Spatial Plan i wan wei fowod blong help sefem ol animol blong solwota, promotem kalja, kipim solwota i stap helti oltaim, mo hemi representem ol tingting blong ol stekholda blong marine environment long kaontri.
