Long fes taim long histori blong Vanuatu bae yumi lukim wan petisen i pas tru long Palamen blong mekim ol niu law blong stopem instabiliti long kantri.

Palamen bae hemi sidaon long Fradei long wik ia blong lukluk ol Bill we petisen ia hemi mensenem. Petisen ia 5400 man mo woman oli bin saenem tru long wok blong Red Muvmen.

Ol bils weh oli kam tru long petisen hemi Politikol Pati Registresen bil, Elekrol Act bil, Amendmen long disentrolaesesen Act, Amendmen long Municipality Act, Referendum Act Bil, Amendmen long Right to Infomesen Act, Amendmen long Jaritabol Asosiesen Act mo Bil blong Konstitusen Amendmen Act.

Hed blong Komiti blong Red Muvmen, Mike Esrom Kaun i talem se taim Palamen hemi putum aot list blong bils hemi showem long ol pipol seh voes blong olgeta i kat pawa.

“Yumi ol pipol kat pawa blong mek sua se kantri hemi ron folem tingting blong yumi,” hemi talem

“Yumi mas pruvum se evriman weh oli saen long petisen ia oli pusum kavman blong tingting strong blong pasem ol niu law blong Palamen.”

Mr Kaun i talem se sos ol pipol blong Vanuatu oli no stanap pa Kavman blong tudei pa wokem jenjs mo pa westem fulap mani.

“Ol bigfala lida blong yumi oli mas save se ol pipol blong kantri oli mas kam feswan.”

Pa grup blong Red Muvmen pa oli waj long Palamen tu blong witnesem ol bil weh pa oli pasem.

“Sipos ol bil no ko tru long Palamen pa yumi stanap bakeken blong toktok mo finem wan nara wei fowod beh blong naoia yumi wet nomo long Palamen.”

Mr Kaun i gohed blong talem tankiu long ol bigfala lida weh traem had blong kipim stabiliti anda long red ruf mo long olgeta oli karem petisen ia wetem gudfala hat blong mekem wan jenjs long kantri.

Red Muvem hemi sta wok blong registerim wan offis blong olgeta weh pa open no long taim. Wok blong niu offis ia hemi blong mekim ol awenes raon long Vanuatu blong tijim ol man mo woman long komuniti blong save jusum mo votem ol gudfala lida blong tumoro.