Sunday, May 19, 2024
29.8 C
Port-Vila
Sunday, May 19, 2024
More

    Tu billion blong rikavari

    Vanuatu Palamen hem i pasem vinis VT 2 billion we bae hem i ko tuwods emejensi rikavari, mo hem i pasem wan supplementary budget blong VT 1.2 billion mo bae hem i yusum 1 billion long annual budget.

    Minista blong Finance, Johnny Koanapo hem i bin tablem supplementary appropriation akt.no blong 2020.

    Minista Koanapo i talem se mo VT2 billion ia bae kavman hem i yusum blong respond long ol disasta long kaontri.

    “Supplementary budget we mi tablem baekekn hem i kam long tu seksen. Wan hem i folem tu pesen blong annual appropriated budget we hem i nomol appropriation anda long seksen 34 long Public Finance Economic Management act,” Minista Koanapo i talem.

    “Mo hem ia hem i wan amaon blong ova jas VT 1 billion we bambae yumi yusum tu blong yumi adresem ol issues blong rikavari mo even long narafala amaon blong 1.2 billion we Palamen hem i pasem long 18 June, so hem i bringim wan totol amaon blong VT2 billion,” hem i talem.

    Minista blong Finance Koanapo hemi putum bill ia we i stap anda long Public Finance mo Economic Management Act (PFEM).

    Hem i talem se wetem COVID-19 crises we hem i stap afektem wol tedei i kosem daonfol blong ekonomi blong Vanuatu tu. Mikro Ekonomik Komiti oli bin faenemaot se grot blong GDP i sud kasesm 1.9 pesen mbe lukluk i stap se bambae hem i kasem 0.6 pesen nomo.

    Minista Koanapo i talem se fund ia oli bin yusum vinis long ol pas respon we hem i kamaot long annual appropriation budget blong kavman.

    “Long releven provision long seksen 34 long PFEM act hem i rikwairem blong 1.5 pesen blong annual appropriated budget blong kavman hem i save yusum long taem blong deklaresen blong wan State of Emergency,” Mr Koanapo i talem.

    “Mo hem ia hem i wan amaon we hem i ova 857 million long fes stage blong emejensi we yumi adresem COVID-19 long hem.

    “Mo long seken stage blong emejensi, hem i also trikarem profisen ia long PFEM act blong yumi yusum 1.5 pesen long annual appropriated budget,” Finance Minista ia i talem.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen