Saturday, July 13, 2024
24.8 C
Port-Vila
Saturday, July 13, 2024
More

    Palemen i acceptem petisen blong stoppem politikol instabiliti

    Palemen i acceptem wan petisen we ol pipol i bin mekem iko long ol lida folem instability we kauntri i stap long hem hemi fes wan long discussion blo 7th ekstraordinari session long tedei moning.

    Long petisen ia we ol pipol i mekem hemi mainly blong gavman i passem politikol integriti bill blong ol politikol parti.

    Petisen ia i gat ova 5000 pipol we oli bin saenem hemia tru long wok blong Red Muvmen.

    Fourth deputy spika blong Palemen Hon. Andrew Napuat, i mekem presentation ia anda long standing oda 20 blong Palemen long presentation blong ol petisen.

    Hon. Jay Ngwele mp blong Ambae olsem Government whip i kam blo secondem tingting behind long petisen ia.

    Long respond blong naraside house. Hon. Bob Loughman Weibur, lida blong oposisen i seekim direksen long Spika blong Palemen blong how oli save ko abaot blong deal wetem petisen ia.

    Long toktok blong hem long mata ia, Hon Praem Minista Charlot Salwai Tabimasmas, i talem petisen ia hemi inline wetem ol bills we i stap long business blong hous we bae oli tokabaot.

    Hon. James Bule long oposisen i raisem ap konsen blong hem folem petisen ia se hei wan samting we i hapin festime, mo folem hemia konsen i stap se bae ol leaders bae oli nomas mekem pablik at large blong pusum olgeta olbaot, from oli kat ol own duties blong olgeta blo exercisem.

    However, presenta blong mosen, Hon. Napuat, i kam blong sakemaot toktok blong hem se hemi no festime folem nomo se i stap anda long standing oda vinis we i kivim raet long ol presentation blong ol petisen.

    Petisen blong ol citizens blong Rebalik blong Vanuatu hemi bin akseptem inside long jamba wetem 46 votes in favour blong social affairs committee i reviewim mo mekem ripot.

    Long 9.15am, folem teknikol isu blong ol mic insaed long Palemen i mekem haus i suspend blong 30 minutes bifo oli blong debatem politikol integriti bill.

    Spika blong Palemen Hon. Simeon Seule i raisem ap strong konsen blong hem iko long capacity blong ol teknikol personnel blo Palemen we i se Palemen i spendem bigfala money long olgeta.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen