Daerekta Jenerol blong Edukesen, Bergmans  Iati i talem se i kat wan system, oli singaotem open VEMIS we everi skul i mas provaedem toksave we i stap long system ia.

Mr Iati i talem se sam kavman skul mo Private Skul oli no kasem yet stimulus pakej from oli no kivim ol data blong olgeta we Ministry blong Education i askem olgeta blong kivim.

“Ol data ia hemi ol information blong wan wan skul olsem amas student oli kat, amas namba blong student long wan wan klass mo nara moa,” hemi talem.

“Evri Provincial Education Ofisa blong wanwan provins oli save vinis blong mas sendem ol infomesen i go long Ministry blong Education blong ol skul oli save kat access long stimulus pakej.”

Mr Iati hemi talem se ministry bambae i no save sendem mane i go long wan skul weh oli no provaedem data blong olketa.

Hemi go hed blong talem se ol private skul oli no stap insaet long system ia, be oli bin askem olgeta vinis blong givim information long Ministry blong Education or Finance Dipatmen blong oli save pat long stimulus pakej.

Ministry hemi konfemem se kavman hemi providem stimulus pakej ia blong helpem ol kavman skul mo tu ol praevet skul.

Daerekta Jenerol blong Edukesen hemi konfemem se ol pikinini oli no sut pem skul fi olsem we foma kavman hemi been kasetem mo hemi stap long loa.