Rodeo ivent last weeken hemi pulum Crowd time ol Patisipens oli Showcasem ol Skills blong olgeta.
2 days event ia long Port Vila hemi tekem tugeta ol man mo woman patisipen.
Ova long 2000 membas blong pablik i kam tugeta las wiken blong witnisim wan kaen sports bakeken be emia emi i involvem ol man wetem ol animols blong olgeta.
Rodeo emi wan sport we emi stap tekem ples evri yia mo yia emi interesting bigwan taem i bin lukim ol profesionel rider blong Niu Caledonia oli bin shokesem ol skil mo talent blong olketa long fored blong pablik.
Be long emia i lukim tu ol rider blong Vanuatu i kam antap tu plante skils blong olketa long saet blong Rodeo.
Be bifo show emi stat long Saturday las wiken i lukim blong festaem Vanuatu Mobile fos nao emi mekem ofisiol opening blong rodeo 2024 long bellevue park long Port vila.
Long taem ia Vanuatu mobil fos i display ol danis we emi mekem ol memba blong pablik oli laf mo putum wan ril tes blong ivent ia we pablik oli redi blong watjem.
Rodeo show ia emi karem tugeta ol junia kasem ol big man mo woman taem oli kompit long hem.
Long saturday las wiken Rodeo i stat wetem ol kompetisen blong olketa mo sunday we emi pass Rodeo emi go tru wetem ol finals blong olketa.
Long taem ia pablik i luk fulap aksen taem ol rider mo ol hos blong olketa i soem ol skils we pablik i stap watjem nomo long skrin long TV blong olekta long wan Olympik kems be las wiken oli watjem gud olsem wenem ol rider ia oli trenem gud ol hos blong olketa blong jamp ova long wan bar ivent long 1 meter.
Long taem ia tu inetresting pat blong Rodeo emi taem pablik i watjem olsem wenem wan rider emi staon ova long bagside blong wan wael buluk mo mas mekem wan best personal rekod blong hem.
Ino emia nomo pablik i watjem long taem tu ol rider oli staon tu long ol wael hos mo mekem ol best personal rikod blong olketa.
Rodeo blong yia ia emi karem tugeta ol best rider blong niu Caledonia, Santo mo Port Vila i kompit tugeta long time ia.