Sunday, April 14, 2024
28.8 C
Port-Vila
Sunday, April 14, 2024
More

    Ol yut i askem help blong wok

    Kol blong kat moa wok long kaontri blong ol yut i save daonem plante problem long street.

    Yut Representative blong Blacksands eria long Port Vila, Amos Pakoa i talem long VBTC Nius se hemi wan ples we plante problem i kamaot long hem.

    “Hemi sud helpem mifala blong faenem wok. Hemia blong mifala i save wok from fulap long mifala i stap nomo olsem. Taem Friday olsem oli drink ale blokem ol man long rod askem mani,” Mr Pakoa i talem.

    “So sapos oli faenem wan wei blong putum ol yut i ko long wok mi tink bae fasin ia stop.”

    Mama, Rachel Vira i talem se naoia rispek we ol pikinini i sud kat long ol mama mo Papa i nomo kat.

    “Mi stap luk long sam, taem papa mo mama i toktok hemi anda bak, so bae yumi mekem olsem wanem? Yumi stap long wan living naoia we i difren

    Wan long olgeta lokol Bisnisman long Port Vila, Lopez Adams i talem seh kavman i sud neva kivim wok mbe hemi sud helpem environmen blong kaontri blong hemi invitem ol binis hemi save gro mo ol niu bisnis tu oli save ko insaed.

    “Kavman wanem we hemi sud mekem hemi blong helpem Private Sector blong inkrisim bisnis. Mo taem yumi kat plante bisnis, yumi kat moa wok,” Mr Lopez i talem.

    “Ol bisnis long Private sekta nao i sud kivim moa wok mbe from loa blong kavman tru long ol dipatmen i mekem i moa tuff.”

    by Patience Mawa.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen