Ol pipol long aelan blong Tanna folem impak blong asis blong volkeno we spolem karen blong olgeta oli wet yet long Kavman blong rispon long distribution blong kakae.

Hemi 1 manis vinis we Kaonsel blong ol Minista i apruvem VT98 milien blong helpem ol komuniti long ol eria blong Southeast mo East Tanna we asis blong volkeno i spolem bigwan olgeta.

Wan memba blong komuniti we slip long eria kolosap long maot blong volkeno, Jackson Iakapas hemi talem se olgeta pipol long eria blong Lowaneai fil kasem Port Resolution i ko kasem long Imaki oli stap lukim bigfala impak blong asis blo volkenu we spolem karen mo laef blo olgeta.

“Insaed long eria ia, mifala i fesem evridei ol bigfala ashfall mo sulfur,” hemi talem.

“Be insaed long wan wan home mifala sta fesem big disaster, we plante long ol crops blong mifala oli standap, i luk gud healthy be ol root crops blong mifala oli no producem kakae.”

Hemi talem se ol kumala, manioc mo taro we oli planem i stap be graon anda nit hemi roten from heat o hot we stap kamaot long graon i mekem i had blong planem kakae, mo fulap long ol fruit trees blong olgeta oli nomo kakae.

“Even sulfur taem emi flae antap long air i destroyem fulap ol vegetables we likely mifala no save karem vegetables narasaed bai mifala mas crossem ol elan blong pem mo antap long hem mas pem transpot bakagen blo ko bak.”

Hemi talem tu se asis blong volkeno i afektem bigwan helt, edukesen mo tourism sekta long eria ia.

“Insaed long ol skul tu mifala sta fesem had taem, Helt senta blong mifala i totally pua from Kavman i no bin jenjem helt senta blong mifala we hemi haf wei i stap.

“Long ol skul naoia i affectem ful populesen blo skul. So, mi for wan mi muvem aot ol pikinin blong mi long ples blong mi, mi putem olgeta i kam long Lenakel from enviromen blong skul long we hemi no moa helti enaf blong mifala i putem.

“Taem mi stap tokaboutem environmen ia emi minim se mifala kat scabies i sta ko roan, mifala i kat red eye i stap ko raon, mifala kat headach and blindness, we i stap affectem mifala.”

Fidel Zepeta long National Disaster Management Office, hemi talem se rispons operesen blong Volkenik Ashfall long elan blong Tanna hemi no stap insaed long State of Emergency (SoE) blong Tropikol Saeklon Lola.

“Hemi wan operesen we hemi no stap insaed long State of Emergency blong TC Lola, so that is why Tanna ashfall rispons hemi kat wan own budget blem and budget ia hemi bin approved by COM.”

Hemi talem se Central Tender Board i sitaon vinis last wik blong lukluk long ol quotes blong ol supplies, we ripot blong hemi bae i kamaot long wik ia.

“Noaia we i stap, yumi karem ol dif different quotes long ol supplier, and those quotes it has to go through normal process blong tender board.

“So yumi putem i ko long Central Tender Board and then oli staon las wik and yumi kat ripot blem tis wik.”

Mr Zepeta hemi talem se evri proces ia i mas pas long Kaonsel blong ol Minista blong oli apruvum ol supplier.

“Long tis wik yumi risivim ripot blong Central Tender Board we hemi notem mo hemi approvem recommendations blong National Emergency Operation Center.

“And then, the other process is bae i nid bakagen i ko long COM o Council of Ministers, once supplier emi approve by Council of Ministers then bai NDMO hemi start toktok wetem however supplier we i winem tender blo hemi start releasem.

“Once hemi release bai yumi implement nao, yumi loadem ship and then yumi muvem ol resins i ko long ol affected familie doan long south long Tanna.”