Thursday, June 13, 2024
24.8 C
Port-Vila
Thursday, June 13, 2024
More

    Ol mama Pati oli sapotem integriti bil

    Integriti insaed long wan politikol pati i saveh bringim araon stabiliti long Politik.

    Blong kasem stabiliti ol politikol pati oli mas akri mo sapotem Wan long ol impoten bil weh i saveh adresem isu ia weh hemi politikol integriti bill blong i mas pass insaed long palimen.

    Sam long ol lida blong ol politikol pati oli akri blong sapotem integriti bil blong i pass long palimen.

    Long wan interviu long wik ia tufala bigfala pati UMP mo VP tru long tufala presiden blong tufala i showem strong sapot blong bil ia i mas pas.

    “Mifala i akri blong sainem akrimen weh fes samting spos mifala ko insaet long palimen , fes samting blong dil wetem hemi politikol integriti mo ikat elektrol legislesen istap blong umi dil wetem mo hemi impoten blong regulatem ol eleksen blong umi long ol narfala aelan.

    “Naoia weh tufala politikol pati oli stap wetem indipendens, mitufala i tekem opotuniti ya blong tekem lidasip blong mekem sua seh integriti blong ol mema blong palimen i mas stap in ples.

    Sekreteri Generol blong Vanuaku Pati, Hon Johnny Koanapo i bin talem long wan interviu tu wetem VBTC seh Vanuaku Pati bill ia bae hemi wan stat blong kasem stabiliti long politikol arena blong Vanuatu long ol taem i stap kam.

    “Vanuaku Pati umi biliv seh , bae hemya hemi stat, maybi hemya hemi no rijim perfeksen stej weh umi wantem, blong traem stebelisem politikol sistem blong umi beh bae hemi wan stat weh bae hemi prokres, mo VP hemi biliv seh hemi mas kasem stej weh umi tokbaot politikol patis umi stap tokbaot pipol wetem integriti mo digniti .”

    President blong Nasenal United Pati tu Bruno Leingkon i talem long vbtc seh hem mo pati blong hem i sapotem blong bill ia iko debate long palemen.

    “Mifala i redi blong tabelem ol bil ya weh hemi integriti bil mo elektrol bil, hemya hemi oraet mifala i sapotem blong kavman hemi dibatem.”

    Politikol diversiti insaed long Vanuatu Politik hemi kivim bigwan long politikol instabiliti long kauntri beh wetem intergriti blo i pass bae i olsem wan step fowod blong kasem stabiliti.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen