Sunday, May 19, 2024
29.8 C
Port-Vila
Sunday, May 19, 2024
More

    Ol kantri long COP28 oli givim mani blong loss mo damej fund

    Presiden blong COP28, His Excellency Dr. Sultan Al Jaber (senta) i stap long opening blong COP28 long Dubai. Foto: UNFCCC/COP28/Flickr (CC BY-NC-SA 2.0)

    United Nations climate summit hemi tekem wan bigfala step taem ol deleget i adoptem wan niufala fund or mani blong helpem ol poor kauntri blong oli save dil wetem ol natural disaster olsem saeklon.

    COP28 long Dubai i lukim President blong COP28, Dr Sultan Ahmed Al-Jaber, i anaonsem se desisen ia hemi sendem wan positive signal abaot gud progress iko long wol.

    Hemi i talem se agrimen ia hemi no wan smol ting ting. Hemi talem se mani ia bae hemi sapot long billion blong pipol raon long wol we oli stap mo risk long effek blong klimet jenis.

    Taem oli statem fund ia long fes dei blong miting, ol deleget i openem door blong olgeta diferent kauntri i anaonsem contribution blong olgeta.

    Plante i mekem ol smolsmol promes blong putum mani we hemi includim $US100 million we i kam long host kauntri, United Arab Emerates. Hemia i kolosap long VT12 billion.

    United Arab Emirates hemi kantri we i producim biggest amount blong oil long wol.

    $US51 million we hemi samples VT6 billion ikam long Britain. US hemi promes blong givim $US17.5 million we hemi samples VT2 billion. Mo Japan hemi givim $US10 million we hemi samples VT1 billion.

    Afta, European Union hemi anaonsem contribution blong hem we hemi $US245.3 million we hemi samples VT29 billion.

    Alokesen blong mani ia bae hemi kam olsem wan win long ol kauntri olsem Vanuatu we hemi bin tokaot strong blong i mas gat wan mani olsem ia ikam blong helpem ol kauntri we i fesem disasta.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen