Wan oda i kamaot long April ia anda long State blong Emergeny blong Saeklon blong daonem praes blong ol item long sam Hardware long kaontri
Minista blong Disaster Risk Management, Ralph Regenvanu i talemaot ol item se cement, timber, steel rods, slab mess wire, rufing iron o kapa, mo ol nara moa item.
“Bambae Director blong Customs i putum aot wan intraksen long Satete(wiken we i pas) long hao ol Hardware stoa oli save saplaem ol material ia long VAT mo Import exemption i ko long ol client mo hemi givim yu intraksen long yu we yu wantem ko pem mbe taem yu ko yu tekem ID kad blong yu nomo i o long stoa mo i kat list blong ol stoa we bae yu ko pem long hem,” Minista Regenvanu i talemaot
“So hemia hemi gud taem blong yu ko pem ol material blong yu long wik ia from i kat discount long hem.
Ol hardware long Port Vila i kat, Port Vila Hardware, Vate Industry, Mok Stoa, Agriculture supplies, Trade tool, Trade and Farm, Wilco Hardware, Bluescope, Vila Distribution, Pacific Steel , Discount Hardware, TIVR Timber mo Esqual Limited.
Long Santo i kat 10, Malekula 4 mo Tanna i kat 6.
Mbe sam long ol bigfala Hardware long Port Vila i hapi blong wok long tingting ia, be i sud kat moa toktok bifo kain oda olsem, from i kat sam material mo ol agrikaljol sapplies ia, oli pem finis ol diuti fee blong hem.
“So mi save se plante long ol Hardware ia mifala i bin diskas long wan miting we i tekem ples long March 23 mo kasem long las Friday mifala i kat wan moa miting bakegen konsenem import duti; Mifala i kamap wetem sam list blong ol item we hemi stap long oda, ol bilding mo kontraksen, hand tul mo planting material blong helpem ol pipol we oli afek long Saeklon espeseli yumi long Efate; So Steel rod yumi tekem aot VAT exempsen plus yumi tekem aot haf blong impot duti we hemi 10% mo yumi givim 5% blong discount,” Asisten Manager blong Port Vila Hardware i talemaot.
Assisten Supervisor blong MOK Stoa Tebakor, Emily Whitecross i toktok moa long hem.
“Pa mi mekem wan exempol long New Zealand pine timber blong mifala, olsem master hemi pem long TIVR timber mbe i kam long plesia mifala i mekem VAT exempsen, mifala i luk se praes i ko daon lelbet mbe mifala i mas akseptem nomo oda we kavman i putum i kam,” Ms Whitecross i talem.
Simeon Jeffrey, Senior Supervisior blong Wilco kampani i talem se oli stat blong implimentem oda ia finis.
“Plante long ol item ia we oli stap long VAT fri hemi ol bidling mo konstraksen material wetem ol tul blong garen; So mifala i aplae 10% mo 5% long ol item ia,” Mr Jeffrey i talemaot.
Oda blong tekem aut 15% VAT mo diuti exemption bambae i apply long olkjeta we property i damage during tufala twin saeklon ia mo bambae i finis long June 30.
“National ID hemi from bae oli sabjek long audit afta,” Director blong Customs i talem.
“Yu save gud se nekis saeklon i save kam so yumi stap long threat oltaem from disasta, so yumi mas wok blong kat wan moa strong haos blong nek taem aroan yu nomo ron i ko hide long wan nara ples, yu save hidem sam nara famili long haos blong yu so impruvmen ia nao yumi wantem.
“Ol Hardware blong Malekula mo Tanna i mas wok blong sevem gud ol pipol long ol aelan ia from pipol i spendem plante mani long freight blong ship blong oda long famili mo bae mifala i kamaot blong talem nem blong ol stoa ia.
“Ol pipol oli hapi from oli save pem ol item we i jip mo afortabol long aelan blong olgeta. flaet jalenj from Air Vanuatu blong wok wetem ol hadware long ol aelan once registration i kam bae yumi save talemaot.
Oda ia i efektiv vinis long April 4.
“So oda ia i blong tri manis i stat March 24 kasem long June 24 hemi las deit blong evri purchase se June 25 nomol praes i kik in.
Oda ia i efektiv vinis long April 4.
