Kavman i disaed blong no putum ful lokdaon mbe hemi wonem pipol.
Minista blong Health, Bruno Leingkone i talem se naoia hemi no posible yet blong i hapen from i nogat stret plan inples blong dil wetem ol isu blong lokdaon.
Hemi talem long VBTC Nius se kavman i wantem luk pipol i mas serious blong folem COVID-19 rul olsem washem hand, werem mask mo stap 1.5 mita aot long nara man.
Mbe Minista Leingkone i talem se sapos reit blong COVID hemi go antap bigwan bai i save kat ful lokdown olsem we oli bin stap tokbaot.
Minista blong Internal Affairs, Ismael Kalsakau hemi talem se hemi instraktem polis blong oli patrol long Port Vila Town.
“Polis i stat wok vinis long tete mo bae oli kontinu,” Minista Kalsakau i talem.
“Long steij ia, i posibol se sapos we yumi no folem rul bambae i mas kat wan lokdaon blong kavman i nid blong kontrolem spread blong sik. Sapos long ol dei ol citizen blong Port Vila mo Luganville i rispektem curfew mo ol kes i ko daon ten bae i posibol blong ko long sam nara mesa mbe i no lokdaon. So yumi wantem se laef i ko bak nomol. Mo hemi impoten blong rispektem curfew long 6am kasem 6pm.”
Expert long Private sector, Glen Greige long Bisnis Resilient Council i talem se wan wik lokdaon hemi no wan gud opsen.
Mr Greige i talem se kavman i nid blong tightem ap enfosmen long oda we i stap blong stopem ol non-esensial bisnis i opereit mo hemia bae i stopem flow blong pipol i wokbaot.
