Niu oda we Kavman i saenem i blong ol skul long ol aelan we i kat COVID i opereit.
Health Minista, Bruno Leingkone i anaonsem tete aftanun.
Minista Leingkone i extendem curfew long Torba, Sanma, Pentecost, Erromango, Tanna mo Aneityum i ko wan moa manis.
“Ol skul i open long ol afek eria we oli mas folem ol kondisen; ol skul long Torba, Sanma, Pentecost, Erromango, Tanna mo Aneityum i mas kat ol COVID plan we i majem wanem we Health Ministry i talem,” Minista Leingkone i talem.
“Mekem sua se i kat physikol distens long ol studen insaed long klasrum. Mo ol tija mo studen i mas werem mask. “Evri skul i mas kat ol hand washing station enterem yard skul.”
“Curfew hemi ko hed long provins blong Sanma, Torba, Pentecost, Tanna, Erromango mo Aneityum long 6am kasem 6pm stat tete April 29 kasem Tuesday May 31 2022 we i minim se long taem ia man i nosave muv olbaot i ko long nara ples, man i save muv nomo blong aksesem seves mo health.
Minista Leingkone i talem tank yu long ol franlaen wokman we oli ko hed blong wok katem daon COVID.
Long lates ripot, 184 niu kes long las 24 haoa, Shefa i kat 28, Sanma 73, Pentecost, 71, 3 Tanna mo 10 Torba.
I kat 7330 kes, 6726 we oli rikava mo 591 aktiv kes naoia.
