Suprim kot hemi sendem wan man i go long kalapus from hemi bin traem blong repem mo kilim i ded 2 woman tija.
Tufala woman tija ia ibin stap silip insaed long wan haus long Aore Adventist Skul long Decemba las yia taem man ia hemi go insaed wetem wan masket.
Suprim Kot Jaj, Maree MacKenzie hemi sendem man ia igo long 3 yia mo 2 wik long kalapus long namba 13 long manis ia.
Kot hemi faenem aot se Man ia weh hemi gat 24 yia i bin stap anda long influens blong alkohol mo marijuana long taem ia.
Kot i faenem aot se hemi bin putum masket long hed blong wan long tufala tija ia mo fosem hem blong karemaot klos blong hem sapos no bae hemi sutum ded hem.
Wan long tufala tija ia hemi bin ronweh igo long wan nara haus.
Man ia hemi bin gobak from nara woman tija mo fosem hem blong karemaot ol klos blong hem.
Kot i talem seh sekon woman ia tu hemi manej blong roweh i go haed long bush.
Jastis MacKenzie hemi poentemaot long jajmen blong hem seh kes ia i soem seh i gat planing long aksen blong man ia taem hemi karem masket wetem hem mo i klia seh hemi gat tingting blong komitim wan sexsual aksen.
Ol jaj weh oli jajem man ia long hem igat trets to kill mo unlawful entri long wan haus weh igat man i stap long hem.
