Sunday, April 14, 2024
24.8 C
Port-Vila
Sunday, April 14, 2024
More

    Kot bae i no harem kes blong Kilman

    Suprim Kot i desaed blong no harem kes blong foma Praem Minista Sato Kilman Livtunvanu, we hemi bin apil agensem parlamentri siting we i bin karem aot hem olsem praem minista.

    Long ol submisin we hemi bin risivim, Jastis Edwin Goldsbrough, i desaed se Hon. Kilman i nogat wan gudfala agumen long kes blong hem.

    Jastis Goldsbrough, i talem tu se Hon Kilman i mas pem ol cost i ko long ol respondents we i involve long kes ya, we hemi Republic blong Vanuatu mo Speaker blong Palemen, Hon. Simeon Seoule.

    Hon. Kilman i bin agiu long kot tru long lawya blong hem se parlamentri siting ia hemi no valid from we i no wan absolute majoriti i singaotem.

    Be ol respoden long kes ia i bin talem se siting ia hemi valid from ikat inaf signature.

    Prime Minista Charlot Salwai, i talem long VBTC se wetem disisen ya, gavman i save gat assurens se bae save stap long taem, mo bae oli save karemaot ol plan blong hem blong Vanuatu.

    “Gavman hemi save naoia, bae save annaonsem ol plan blong wok blong hem, and mi givim taem blong givim tankyu lo ol membas blong Palemen mo lo pablic blong Vanuatu, from long situation olsem, samtaem oli gat uncertainty, but pipol oli continue blong stap quiet and mi talem tankyu lo ol police mo athoriti blong oli save maintainem peace i stap,” Praem Minista Salwai i talem.

    VBTC i bin traem blong karem wan comment long Hon Sato Kilman, tedei aftenoon be i no possibol.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen