Pipol i kwestenem kavman from agrimen blong relocatem pipol we i liv klosap long wota sos blong Port Vila.

Hemia agrimen long yia 2015, we Ollen komuniti long Zone 2 eria ia, oli kat wetem Ministri blong Lands blong muvaot i go long niu sub-division long Ollen Freshwind.

More long 80 haushold we oli liv long Ollen wota zone eria long Port Vila oli no feel sef.

Eria we oli liv long hem noaia, hemi no sef mo hemi kolosap long wota sos blong Port Vila taon, mo eni samting we oli mekem i save kosem toti long wota.

Pipol long Ollen Freshwind long wota zone eria, oli still askem kavman blong lukluk long olgeta.

Jif blong Ollen Freshwind eria, Mr. Peter Yamark, hemi talem se ol pipol i still wet long desisen blong kavman.

“Mifala wantem askem long Kavam, kavman wataem bai hemi relocated pipol, from issue blong pollution doan long wota sos blong yumi. So hemi bin longtaem tumas all most 7, 10 years nao,” hemi talem.

Wan mama insaed long komuniti ia, Mrs. Shelly Willie, hemi talemaot konsern blong hem follem plante big bigfala saeklon we i stap kam naoia, pipol i fraet blong buildem ol permanent strong haus from bai oli mas muv.

“Mi stand ap tedei mi wantem rasiem konsern blong mi, behav long ol mama we yufala i save luk i stap long background, mi wantem talem olsem se mifala i bin stap save longtaem finism” hemi talem.

“Mifala i stap lisen long plante toktok we oli stap kam, oli talem se bai kavman i muvem aot mifala long wota zone, blong mifala i muv i ko long wan nui ples, we oli stap talem se bai oli relocate mifala, oli bin stap talem long mifala blong mifala i no mas bildem eni permenant bilding from mifala bai i muv, from mifala stap live lo wota zone.

“Bai wataem bai mifala i muv mifala stap liv long wota zone, oltaem saeklon hemi kam i slingem ol kapa haus ia olsem ol pis pepa nomo, be mifala no save bildem ol permenant bilding, from we mifala i mas muv aot long ples ia.”

Long respons blong hemia, Acting Director blong Department blong Wota, Mr. Brooks Rakau, hemi talem se kavman hemi stap wok finis blong putem in ol respectful measures we bai hemi helpem pipol blong muv i ko long niu sub-division area ia.

“Long situation blong sub-division blong Ollen we kavman hemi stap mekem, ating purpose blong yumi kat sub-division ia, hemi blong yumi muvem ol pipol we oli ko resite without proper documentation long zone tu we kavman hemi compulsory acquirem, blong yumi savem wota we Port Vila hemi stap happen blong supliem yumi long Port Vila,” hemi talem.

“Wok we i bin start long 2015, taem we yumi sta kat changes lo kavman hemi mekem too wok blong department I kam wan challenge.

“Wan long ol challenge we mifala traem blong resolvem emi i kat ol separate lease we mifala i receivem, i bin kat one initial lease, after i kat one moa lease.

“Since lo las wek i bin kat wan verification we department emi mekem lo groan, blong luk se ol names we oli stap long list ia, hemi olgeta we oli live insaed long wota protection zone.

“Bai ol next step we ba yumi tekem emi blo wok closely wetem lands department, blong yumi folem ol normal leasing processes blong yumi muvem ol pipol i kamaot long zone tu blong wota protection, oli ko resite lo ol places we sub-division hemi bin prepare for the purpose blong olgeta oli muv i kam live lem.”

Wetem ol process we i stap ko hed noaia, ba i no longtaem pipol i save muv mo liv long niu sub-division area ia.