Monday, July 15, 2024
29.8 C
Port-Vila
Monday, July 15, 2024
More

    Kavman i kivim 1 manis notis blong pipol i kliarem karen blong olgeta insaet long Ollen Hol subdivisen eria.

    Kavman tru long Ministri blong Lans i putemaot notice i ko long ol pipol weh oli stap mekem karen insaed long eria weh kavman emi stap subdividem long Ollen hol, blong oli mas stop blong plannem kakae insaet long subdivisen eria ia start long wik ia i ko.

    Notis ia i kamaot long Ministri blong Lans long wik ia.

    Kavman i advicem mo letem pipol i lukaotem gud kakae blong olgeta.

    Notis ia emi blong pipol i kakae everi kakae weh i stap long ol karen or groan noaia, mo bai oli mas karem aot or havestem ol kakae naioa i ko.

    Stampa tingting emi blong kavman emi startem development blong pushem mo kliarem subdivisen eria ia long nekis manis.

    Jif Representitif insaed long Ollen Wota Zone eria Jif Peter i talem se pipol long ollen eria oli awea finis long notis ia, mo oli tekem respectem ol toktok weh kavman emi stap putemaot.

    “Evri man weh oli mekem karen insaet long subdivisen oli saveh long taem finis, seh blong wna dei bae ol pipol i muv iko insaet long ples ya blong ol pipol i liv long hem, mo yumi letem olgeta i saveh from olgeta tu oli kat raet blong liv long kaontri ia, mo oli mekem karen long eria ia blong susteinem laef blong olgeta from sam oli no wok mo oli mas mekem karen.” Jif Peter i talem.

    Hemi talem tu se kavman i kat duti mo responsibiliti tuwods ol pipol blong hem.

    “Mo tetei, kavman hemi kam blong kivim 3 manis notis long hem finis, mo 3 manis notis ya bae hemi lapse long namba 8 Okis, mo mi undastan seh olgeta long Lans tu oli hangem wan notis bod blong letem olgeta oli saveh, bae yumi no saveh muvum aot olgeta nomo,”

    Ministri blong Lans emi stap kivim pipol kasem Oks blong karem aot ol kakae or karen long subdivisen kraon ia.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen