Opposition i talem se Kavman hem i stap brekem rikwaemen blong kivim ol naturalised citizenship long sam forena.
Leader blong Opposition, Ralph Regenvanu, i talem se, “Mifala i awea se constitutional rikwaemen we yu mas live ten yia continuousli long Vanuatu blong kam wan actual citizen, oli stap brijim.”
Mr Regenvanu i talem se Kavman i stap kivim ol naturalised citizenship long ol individual we oli no stap ten yia long Vanuatu.
“Hem ia hem i serias from hem i no brekem loa nomo mbe hem i brekem konstitusen,” Mr Regenvanu i talem.
“So mifala i inten blong faenemaot everi samting ia taem mifala i kobak long Kavman mo mekemsua se ol pipol we oli brekem konstitusen oli mas fesem konsikwenses blong aksen blong olgeta.”
Long respond, Prime Minister Bob Loughman we hem i responsibol long prokram i talem se citizenship prokram i gat ol difren provision we hem i aotlaenem gud ol eria we wan individual i entaetol blong kam citizen blong Vanuatu.
Prime Minister Loughman i talem se sapos Opposition i wantem scrutinizem perfomens blong Kavman, hem i mas ko long ofis responsibol blong ansarem ol kweri blong hem.
Hem i talem se Opposition i no mas yusum media blong faenem ansa long ol kweri blong hem.
