Tufala olfala detensen senta blong Port Vila oli stap long veri pua kondisen weh i no mitim ol UN Human Rights standard mo laef blong ol detainees hemi stap long denja taem oli stap insaed.
Kavman hemi stap adresem isu ia naoia wetem anaonjmen blong niufala facility weh bae hemi mitim ol minimam UN standards.
Low risk faciliti long stat eria mo medium risk faciliti long Independence Park hemi ol olfala prison haus weh oli buildim mo usum long taem blong tufala colonial kavman.
I bin gat fulap wok blong meintenem ol olfala faciliti ia beh oli nomo mitim ol UN standard mekem seh kavman tru long Ministri blong Jastis i bin commitim klosap Vt 300 million blong buildim niufala faciliti.
Director blong Correctional Seveses, Johnny Marango hemi tokbaot pua contisen blong tufala faciliti mo talem seh inogat nara option kasem taem niufala faciliti bae hemi finis.
Naoia weh Gavman hemi fokas long building blong niufala faciliti ia, igat ol niufala tingting long aproj blong project blong Rangorango.
Bae i tekem 2 yia blong biltim niufala facility ia weh bae hemi wan bigfala ajivmen espeseli blong Vanuatu i complae long ol human rights anta long ol UN conventions weh hemi bin radifaem.
