Pipol long ol provins we Tropical Saeklon Lola i bin damajem, oli finally save receivem kakae long National Disaster Management Office (NDMO).

Akting Minista blong Klamet Jenis, Hon John Salong, hemi anaonsem rollout ia mo resen behaen long ol delay blong ol kakae.

Hemi klosap tu manis vinis we saeklon ia i kosem damej long sentral mo northern pat blong kantri.

Plante pipol long ol affected eria oli still raisem plante kwesten se from wanem kakae we NDMO i sherem hemi no kasem olgeta yet.

Eria administrata blong Saot Pentecost Mr. Joni Bani hemi talem se kasem noaia pipol i still wet yet.

“Bigfala kweston we ol team we hemi ko aot oli stap mekem distribution, wan long ol main kweston we olgeta long komuniti oli stap askem se, thank yu tumas long wota be wataem bai kakae i kam.”

Minista Salong hemi talem se i bin kat plante delay long kakae hemi folem ol delay long approval blong Central Tender Board.

“I bin kat expectation se bai push blong kavman hemi should stap ko nao be yumi bin delay lelebet,” hemi talem.

“I bin kat plante difficulties long logistics and obviously yumi everi wan i save se yumi jus kamaot long TC Kevin mo Judy and hemi bin kat sam nid blong mifala i pem sam long ol outstanding cost we i bin stap and mo tu yumi aware se for sam taem yumi no bin kat chairman blong Central Tender Board, so hemia tu hemi bin mekem sam delay.

“And naoia yumi kat tender board mo at the same taem tu yumi bin ko amendem regulation order blong alowem blong contracts to do wetem ol purchasing blong dry goods blong save karem mo ko long ol islands.”

Push blong ol kakae we bai NDMO hemi putem aot long wek ia, hemi fes mo second push.

“Hemia we i stap ko naoia long Islander blong kasem Ambrym mo Pentecost hemi first mo second push wantaem, blong traem blong speedem up, and sapos yumi save pasem budget and yumi luk se hemi part blong recoveri, then yumi save lukaotem way blong yumi usem cash transfer, blong save helpem ol pipol blong save reconstruct,” Minista Salong i talem.

Delay long distribution i ko long ol prioriti eria, hemi folem ol availability blong ol ship blong distrubtem kakae.

“Ol relief saplae i stap ko and i kat sam complaints i stap ko se maybe yumi putem ol priority eria or ol smol elan klosap fastaem, emi no olsem emi difficulti blong organizem ol bigfala ship blong save muvem ol dry rasen i save ko long ol erias we oli mostly affected olsem yumi everi wan i save, i stap long zone one,” Minista Salong i talem.

“Sam closer areas oli karem sam relief supplies finis long kavman but just because oli ol smol elans closer and easy blong finem ol smol ship blong save muvem olgeta, and ol bigfala ship oli nid blong move i ko long places long north.”

Minista Salong i talem se pipol long ol affected eria bai oli recievem ol kakae ia bifo Krismas.