Saturday, July 13, 2024
24.8 C
Port-Vila
Saturday, July 13, 2024
More

    TAFEA provins i kat wan niu korection senta long isangel

    Direkta blong Korection Seves, Johnny Marango hemi ofisali lonsem wan niu Korectional senta las wik long Isangel, Tanna we bae open tudei.

    Las wik long Fraedei namba 24, Jian-Su international konstraksen blong China hemi handem ova key blong niu bilding iko long Direkta mo delegesen blong Korection senta wetem wan lonsing seremoni.

    Direkta Marango hemi talem se gud relesensip we Korectional Seves long Port Vila ikat wetem six fala provins hemi tru long wan MOU o wan kontrak we depatmen hemi saenem blong kat decentralisation o blong mek sua se Kavman seves hemi kat long evri provins mo kasem evri pipol.

    “Mi wantem asurem yumi evriwan blong sapot mo blong acknowledgem ol provins blong yumi,” hemi talem.

    Hemi tok moa se fasin blong yumi blong bildim senta long ol provins hemi blong yumi tijim olgeta long kastom mo kaljta blong bae isi blong kobak long komuniti.

    Grup foto blong delegesen long taem blong lonsing seremoni. Foto: VBTC

    Vice President blong TAFEA Provinsal Kaonsel, Ialivo Patrick i talem tankiu long behaf blong kaonsel tru long niu fasiliti blong helpem eduketem eni wan we enta long senta ia long Tafea provins.

    “Ating hemi fes wan mo bae second wan iko long nara provins long Not.”

    Maneja blong Jian-Su international konstraksen long Vanuatu, Robin hemi talem tankiu long Kavman blong kat trast long olgeta blong finism ol wok mo long ol pipol blong Isangel komuniti blong gudfala sapot blong olgeta.

    “During the construction period, my company has tried all its best to give a good product to the department,” hemi talem.

    Hemi talem se hemi luk fowod blong wok moa wetem Vanuatu Kavman wetem ol nara projek long yia ia.

    “Looking for more chances for TAFEA province and we want to give everything we have in Vanuatu for the modernisation for social justice.”

    By Kency Iati

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen