Monday, July 15, 2024
29.8 C
Port-Vila
Monday, July 15, 2024
More

    Investigasen i stap gohed from Air Taxi crash long solwata

    Wan investigasen hemi stap gohed naoia folem Air Taxi crash we i happen long solwata klosap long Erromango las wik.

    CEO blong Air Taxi, Julia Johnstone, i talem se aksiden ia hemi mekem se everi single-engin aircraft blong olgeta ino save flae naoia mo oli stap wet long investigasen hemi finis. 

    Long Fraede, wan plen blong Air Taxi i lusum pawa mo pilot i mas go daon long solwata

    Faev pipol long plen oli sef afta we boat blong polis, RVS Emma Kate, i bin resku olgeta.  

    Ms Johnstone hemi talem se aksiden ia hemi wan rapis experiens be oli glad se everiwan i savaev, mo i bin kat wan qwik resku i tekem ples. 

    Hemi talem tankiu yu long olgeta we oli help long resku, olsem Police Maritime Wing, Australian Federal Police, Australian Defence force mo Robin Deamer long Unity Airlines. 

    Long wan stetmen long sosal media, Vanuatu Police Force (VPF) i bin talem se operesen tim i resivim infomesen blong crash samples 2.30pm long Fraedae. VPF i deployem RVS Emma Kate blong conductem sej mo resku long plen crash ia. 

    RVS Emma Kate we commanding ofisa blong hem, Inspecktor Bianca Simeon wetem faev ofisa blong hem, i leko Mala Base wharf long 3pm mo faenem wan laef raft we ol faev pipol long plen ia i stap long hem long 5pm. 

    Long 6.45pm, RVS Emma Kate i kasem back Mala Base wetem ol faev pipol long plen. 

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen