Thursday, June 13, 2024
25.8 C
Port-Vila
Thursday, June 13, 2024
More

    Community blong Noumea oli rikwes blong vot long Wiken

    Minista blong Climate Change, Hon. Ralph Regenvanu hemi remindem Palamen haos long rekwes blong komuniti long New Caledonia blong oli save vot long wiken blong Referendum wik.

    Hon. Regenvanu hemi talem se Vanuatu bae kat wan pablik holidei long Nasonal Referendum dei long Mei namba 29 be long New Caledonia bae oli wok nomo.

    “Mi bin ko mekem Referendum awenes long Noumea some weekends ago,” hemi talem.

    Hemi talem se community long we oli mekem wan spesifik rekwes long Gavman, Elektrol Ofis blong oli save mekem oli vot long wiken afta long deit blong Referendum.

    Ol citizen we stap long New Caledonia, oli rekwes blong vot long wiken blong kivim janis long olgeta blong patisipet long Nasonal Referendum.

    Hon. Regenvanu hemi talem se olgeta pipol oli stap wet long wan gud rispons long Elektrol Ofis.

    “Despite unfortunate events, long taem we mi mit wetem olgeta, oli redi blong vot.”

    Minista hemi remindem evri wan tu se hemi fes taem we bae yumi kat ol polling stesen long Australia, New Zealand mo Fiji.

    “Normally, yumi kat polling station long Caledonia nomo we hemi aot saed long Vanuatu, this time bae vot i happen long another 3 kauntri bakegen.”

    Long rispons blong hem, Minsta risponsibol long Referendum, Hon. Johnny Koanapo hemi talem se folem isiu blong ongoing curfew long Noumea.

    “Bambae Referendum Act ia bae carter for their situation,” hemi talem. 

    Minista hemi rispon bakegen long wan intaview yestedei se situasen ia Gavman hemi anticipatem.

    “Situasen blong New Caledonia hemi eksepsenal mo yumi bin anticipatem wanem we yumi save kolem olsem ol eksepsenal circumstances we bae i save afektem patisipesen blong ol pipol long taem blong voting,” Hon. Koanapo i talem.

    Hemi se wetem hemia i mekem se amendment we Gavman i mekem las wik long Palemen hemi tekem long consideresen ol spesel circumstances olsem ia.

    “I hapen se situasen blong New Caledonia i fit in long wanem yumi bin amendem.”

    Long Referendum amendment act No. 2024 we Palemen i pasem las wik hemi allowem blong Electrol Komisen tru long advaes blong Principal Electrol ofisa blong save extendem date blong voting long ol area we sipos wan spesel circumstance i kam ap long hem.

    “Bae i kat taem we bae yumi kivim long olgeta subject long wanem we Elektrol Komisen wetem direksen we oli stap kivim bambae i save allow time yumi save kivim long olgeta blo oli ko vote.”

    Hon. Koanapo hemi talem tu se long Australia i kat 13 polling stesen, long New Zealand i kat 6 polling stesen, long Fiji i kat 3 polling stesen mo long New Caledonia i kat 1 polling stesen.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen