Saturday, May 18, 2024
25.8 C
Port-Vila
Saturday, May 18, 2024
More

    Bisnis survey afta 20 yia

    Wan bisnis survey bae hemi kolectem niu data blong help mekem ol polici long saed blong bisnis long Vanuatu.

    Vanuatu Bureau blong Statistics hemi mekem survey wetem araon 3,000 bisnis long kantri we hemi start long wik ia kasem January nekis yia.

    Ova 20 yia, Vanuatu statistics ofis hemi mekem bakeken bisnis survey ia.

    James Temakon, olsem koordinato blong binsis survey, i talem se bai hemi tekem 3 manis blong report hemi kamaot blong ol stakeholder blem i save yusum.

    Mr Temakon talem se bai ol polici maker ol mas kat update bisnis survey blong allowem kantri ikat klir picture how ol bisnis ia i save impactem economi.

    “Hemi longtaem, 20 ya ia. Naia economi structure i jenj. So umi wantem mekem survey ia blong fes wan, updatem economi structure blo umi,” Mr Temakon i talem.

    “Level blo ofis, umi save produceum indicator ia, lo side blo ol polici blo drivem ol tingting lo Vanuatu, ba um istap ia nao ol polici makers blong yusum.”

    Mr Temakon hemi kol long ol bisnis aos blong wok klosap wetem statistics ofis mo givim stret information blong nokat mislead.

    “Tok save iko lo ol bisnis aos, oli mas wok klosap wetem ol fil woka blong statistics ofis hemi karem ol data we hemi wantem save,” hemi talem.

    “Plante long ol questions blo askem hemi lo side blo expense mo revenue, inventory blo buisnes, ol fixed assets financial assets.

    “Ol financial information we bai ol bisnis oli providem bai hemi protected.”

    Folem Tropikol Saeklon Lola we ikam bai hemi kosem process blong bisnis survey long provins blong Penama mo Malampa bai hemi long wan.

    Statistics ofis i talem se bai hemi no mestem tufala provins ia from bai imas kat klir data long everi bisnis long Vanuatu we bai hemi helpem ol decision weh gavman hemi mekem bai hemi effective folem report oli kasem.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen